Shefi i Grupi Parlamentar të Aleancës për Ardhmërinë e Kosovës, Besnik Tahiri, është duke qëndruar në Parlamentin e shtetit të Latvias në Riga, ku po merret vendimi për votimin e dy avokatëve eminentë.
Përmes një postimi në Facebook, Tahiri ka thënë se do të bëhet një vlerësim për legjislacionin e Kosovës, si një hap i rëndësishëm drejt rrugëtimit tonë dhe anëtarësimit në Këshillin e Evropës, duke vlerësuar se shteti ynë është gati për të qenë anëtar i KE-së dhe se legjislacioni ynë është shumë i avancuar në këtë temë, raporton teve1.info
“Dua të falënderoj shumë miqtë tanë, shtetet mike që po bëjnë një punë të jashtëzakonshme. Po ashtu, është e rëndësishme që Kosova të jetë prezent, të reflektojë dhe të prezantojë të vërtetën e vet”, ka shkruar Tahiri në Facebook, ku ka postuar edhe një video.
