Shefi i deputetëve të AAK-së, në Kuvendin e Kosovës, Besnik Tahiri, tha se ky institucion duhet të ngrit dinamikat e veta derisa shtoi se çështjet madhore po trokasin në derë, raporton teve1.info
Tahiri pas mbledhjes së kryesisë së Kuvendit, tha se marrëveshja e Kosovës me Serbinë dhe gjendja e rëndë ekonomike në vend janë dy nga çështjet madhore të cilat sipas tij duhet të trajtohen me urgjencë.
“Kuvendi i Kosovës dinamikat e veta duhet ti ngrit, çështjet madhore për vendin janë duke trokitur në derë. E para është çështja e marrëveshjes, e mbi të gjitha gjendja e rëndë sociale ekonomike në vend.
Kosova po zbrazet derisa Qeveria po mrizon dhe është vendosur në një llupë, në një ballon të vetin në diskutim rreth dialogut.
I humbën 2 vjet, nesër është 14 shkurt, 2 vjet nga fitorja e VV-së, 2 vjet ka vetëm fjalë dhe nuk ka asnjë punë”, u shpreh Tahiri.
Ai njoftoi se Kryesia e Kuvendnit i tirri dy seanca për këtë javë, njëra prej të cilave solemne për nder të 17 Shkurtit, 15 vjetorit të Pavarësisë së Kosovës.
