Shefi i Grupit Parlamentar të PDK-së, Abelard Tahiri, ka reaguar pas deklaratës së mbrëmshme për zgjedhje të kryeministrit, Albin Kurti.
Tahiri ka thënë se ky është një paralajmërim i Kurtit për t’u larguar.
Për Tahirin, ky është një lajm i mirë pasi që largimi i Kurtiti do të thoshte largim i sanksioneve ndërkombëtare dhe fundi i stagnimit ekonomik.
“Kërkesa e Albin Kurtit për zgjedhje të parakohshme është paralajmërim për t’u larguar. Është lajm i mirë paralajmërimi i Albin Kurtit për t’u larguar. Kjo do të ishte e vetmja e mirë që Albin Kurti do t’ia bënte Kosovës në këto tri vjet”, ka shkruar ai mes tjerash në Facebook. /teve1.info/
