Tahiri përmes një postimi në Facebook, tha se mungesa e dialogut dhe komunikimit të strukturuar ka rritur hendekun mes Qeverisë dhe sindikatave që sipas tij, po shtyn punëtorët në greva e kriza sociale.
“Mungesa e dialogut dhe komunikimit të strukturuar ka rritur hendekun mes Qeverisë dhe sindikatave që po shtyn punëtorët në greva, e kriza sociale. Kërcënimi dhe shantazhimi i grevistëve është pjesë e një mendësie arrogante e autokratike, që në vend të dialogut, zgjedh përjashtimin dhe segregacionin social”, ka shkruar ai.
Sipas tij, qasja e Qeverisë herët a vonë do të rezultojë me një kundërshtim gjithpopullor.
“Qëllimi i kësaj mendësie është instalimi i frikës, duke i hapur rrugë kontrollit dhe dominimit total. Kjo qasje herët a vonë do të rezultojë me një kundërshtim gjithpopullor! Përndryshe, greva si veprim sindikal është e garantuar me Ligj të veçantë”, tha Tahiri.
Ministria e Financave pritet t’ua ndalë pagat të gjithë punonjësve që kanë hyrë në grevë njëorëshe sot, për pjesën e kohës sa nuk kanë qenë në punë. /teve1.info/
