Tahiri përmes një shkrimi në Facebook u shpreh se AAK-ja do të të bëjë çmos që ta mundësojnë tërheqjen e 30 për qind të mjeteve nga Trusti, duke konsideruar se Qeveria me mos përkraje tëkësaj nisme, po e bën edhe një gabim.
“Edhe një gabim i Qeverisë! Qeveria e Kosovës është humbur dhe tjetërsuar në petkun e pushtetit, ndërsa hallet dhe kërkesat e qytetarëve i trajton vetëm në fushatë zgjedhore. Qeveria e ka shumë gabim që nuk e përkrah nismën legjislative të Kuvendit të Republikës së Kosovës për plotësimin dhe ndryshimin e Ligjit për Fondet Pensionale të Kosovës. Si Grup Parlamentar do të bëjmë çmos që ta mundësojmë tërheqjen e 30 për qind të mjeteve nga Trusti”, tha Tahiri.
Ai ka thënë se në kohën kur qytetarët po përballen me krizën e rritjes së çmimeve tërheqja e mjetëve nga Trusti është e nevojshme.
“Tërheqja e kursimeve nga trusti, sidomos në kohën kur vendin e ka përfshirë kriza ekonomike, është shumë e nevojshme për këndellje të ekonomisë dhe familjeve kosovare. Pra, duhet shfrytëzuar të gjitha burimet, të gjitha alternativat duke shfrytëzuar në këtë rast edhe Trustin, për t’u dalë në ndihmë qytetarëve.”
Tahiri shtoi se mospërkrahja e qytetarëve në këto kohë, kur ka goditje të mëdha ekonomike, tregon se vendi ka një qeverisje pa qeveri.
Qeveria e Kosovës në mbledhjen e mbajtur të enjten në mbrëmje ka marrë vendim për moslejimin e tërheqjes së 30% të kursimeve nga qytetarët. Kryeministri Kurti kishte deklaruar se tërheqja e këtyre mjeteve nuk është zgjidhje./teve1.info/
