Politologia, Arta Tahiri-Beqa, ka deklaruar se dështimi i emisarit të Bashkimit Evropian, Miroslav Lajcak në dialogun Kosovë-Serbi është një lidhje e humbjes së kredibilitetit të BE-së në këtë dialog.
Sipas Tahirit të merresh me dialogun mes Kosovës dhe Serbisë është mision i vështirë por jo edhe i pamundur.
“Vërtetë ka qenë dështim sepse nuk ka arritur asgjë konkrete në procesin e dialogut mes Kosovës dhe Serbisë dhe unë shpesh e kam quajtur duke qenë ky një emisar i ngarkuar kryesor e kam parë që ia ka humbur kredibilitetin ose atë mundësinë Bashkimit Evropian për ta marrë seriozisht në këtë dialog, sepse ky nuk ka qenë Lajçak, ky ka qenë emisari i ngarkuar nga BE-ja për Kosovë dhe tash emri i përveçëm domosdoshmërisht është përfshirë në përfshirje më të gjerë që ka qenë BE-ja dhe do të thotë dështimi i Lajçakut është edhe një lidhje e humbjes së kredibilitetit të Bashkimit Evropian në dialogun Kosovë-Serbi. Është mision i vështirë por jo i pamundur sepse në botë ka luftëra dhe dialogje me vite të tëra për të cilat në fakt ka pasur zgjidhje konkrete”, ka deklaruar ajo në emisionin “Këndi i Debatit”, në Tëvë1.
