Shefi i Grupit Parlamentar të Aleancës për Ardhmërinë e Kosovës, Besnik Tahiri ka kërkuar nga deputetët e Kuvendit që sot ta votojnë rezolutën e propozuar nga AAK për rritjen e koeficientit të pagave nga 105 në 129 euro.
Tahiri në fjalimin e tij, tha në qoftë se sot votohet kjo rezolutë atëherë e ngritin këtë çështje përmes amandamentimit.
Ai po ashtu shtoi se buxheti i cili erdhi me ngritje 5 euro nuk është ngritje, por zvogëlim i pagave.
“Debati për koeficientin që ka qenë në seancën e kaluar është parë që nuk ka vullnet nga mazhoranca dhe rrjedhimisht ka ardhur një buxhet me një rritje prej vetëm 5 euro. Ne qoftë se sot votohet kjo rezolutë atëherë neve na hapet rruga në komisionin për buxhet në kuadër të Republikës së Kosovës që t`a ngriti këtë çështje përmes amandamentimit. Buxheti i cili ka ardhur me ngritje 5 euro nuk është ngritje por zvogëlim i pagave”, deklaroi Tahiri.
