Shefi i deputetëve të PDK-së, Abelarh Tahiri e ka quajtur huligan të pacipë Besnik Bislimin, pas përleshjes fizike në Kuvend
Ai e ka ftuar policinë dhe prokurorinë që urgjentisht të inicojnë hetime për sulm fizik për Bislimin.
“Besnik Bislimi është një huligan i pacipë, i cili, huliganizmin e tij e shfaqi edhe sot në Kuvend, duke provokuar e sulmuar deputetët e opozitës me mjete të forta. Ftoj policinë dhe prokurorinë që urgjentisht të iniciojnë hetime për sulm fizik nga ky huligan deficitar, i cili përmbushjen me pushtet e gjen duke ushtruar dhunë fizike, e duke rrezikuar jetën e deputetëve brenda Kuvendit të Republikës së Kosovës”, ka shkruar Tahiri.
