Analistja Arta Tahiri- Beqa, tha se dalja e ulët e qytetarëve serb në zgjedhjet e sotme në komunat veriore, tregon fuqinë politike që e ka Lista Serbe
Tahiri në Tëvë1, theksoi se zgjedhjet do të jenë të dështuara në planin afatgjatë, sepse siç tha ajo, mund të jenë vetëm një obligim ligjor, por që në fund do të bëhet një marrëveshje politike për të dalë nga kriza.
“Mos dalja është një mbështetje në hije, këtë ka dashur Lista Serbe. Përpos mos pjesëmarrjes dhe krijimit të një situate si tani ka, dashur të tregojë dhe atë fuqinë politike që ajo ka për të treguar që në momentin që ajo nuk merr pjesë do të jetë edhe ky rezultat i daljes së zgjedhjeve. Sigurisht që është një obligim ligjor dhe është një sistem i cili tregon dhe mbështetjen dhe përfaqësimin demokratik të Kosovës në këtë fushën e zgjedhjeve, por ndërkohë është kosto e jashtëzakonshme financiare nuk duhet mohuar e cila mirret nga buxheti i Kosovës. Ai buxhet fatkeqësisht është i taksapaguesve të qytetarëve të Kosovës më konkretisht shqiptar, por pak rëndësi ka kjo në qoftë se ky organizim ose këto zgjedhje do të ishin në fakt produktive apo të suksesshme. Unë mendoj dhe besoj që kjo do të dali, që këto zgjedhje do të jenë të dështuara në plan afatgjatë. Mund të jetë vetëm ajo mbështjellja e obligimit ligjor dhe pastaj do bëhet një marrëveshje politike për të dalë nga kjo krizë”, tha ajo./teve1.info./
