Politologia, Arta Tahiri – Beqa ka vlerësuar se nuk mund të ketë qeveri stabile në Kosovë nëse në koalicion nuk është Lëvizja Vetëvendosje me Partinë Demokratike të Kosovës apo Lidhjen Demokratike të Kosovës.
Beqa ka thënë se një koalicion LVV-së me PDK ose LDK-në do të mundësonte një qeveri stabile, por edhe zgjedhjen e presidentit.
“I vetmi koalicion që mund të sjellë stabilitetet është ai partisë të parë me të dytën ose tretën. Është një koalicion që i krijon vazhdimësi qeverisë dhe mundëson zgjedhjen e presidentin”, ka thënë ajo në emisionin “Këndi i Debatit” në Tëvë1.
Siç ka thënë ajo, çdo qeveri tjetër me opozitën e bashkuar apo e Kurtit me minoritetet serbe nuk do të jetë stabile.
“Çdo metodë tjetër e koalicionit qoftë e parive opozitare po edhe e Kurit vetëm me minoritetet jo serbe është një koalicion i brishtë që nuk mundëson që të vazhdohet më shumë se deri në fundvit”, ka thënë ajo.
Lëvizja Vetëvendosje ka dalë e parë në zgjedhjet e 9 shkurtit me mbi 40% sipas rezultateve preliminare.
Këto rezultate kanë krijuar paqartësi se kush do ta formojë qeverinë sipas njohësve të politikës.
Partitë opozitare kanë deklaruar se nuk do të bëjnë koalicion me LVV-në.
