Arta Tahiri – Beqa, politologe ka kërkuar që qytetarët të ndëshkojnë të gjithë deputetët që u zgjedhjen më 9 shkurt e që janë në listat edhe për zgjedhjet e 28 dhjetorit.
Ajo ka thënë se këta deputetë duhet të ndëshkohen për shkak të krizës që krijuan dhe dërgimin e vendin përsëri në zgjedhje.
Në emisionin “Këndi i Debatit” në Tëvë1, ajo ka thënë se duhet të votohet kandidatët e rinj që janë në lista.
“Meqë qytetarët nuk kanë mundësi të zgjedhin subjekt të ri kam bërë thirrje që mos të zgjidhen asnjë nga deputetët aktual dhe tu jepet mundësi kandidatëve që nuk kanë qenë deputetë dhe ta dijnë barrën e përgjegjësisë”, ka thënë Tahiri – Beqa.
Ajo duke folur për qëndrimet e LDK-së ku në studio ishte të ftuar , Shqipe Pantia dhe Astrit Desku që i kanë hyrë garës zgjedhore, tha se nuk e kupton qëndrimin e LDK-së për të refuzuar hyrjen në qeveri dhe shmangien e zgjedhjeve.
“Nuk e kam kuptuar asnjëherë LDK për të mos hyrë në qeveri. Nuk e kam kuptuar se pse LDK nuk bëri koalicion dhe të shmangte këto zgjedhje, kur kjo mund të shmangej. Donte të rrinte në opozitë, ku për 5 vite e ka dëshmuar se ka qenë një opozitë e përgjumshme”, tha ajo.
