Politologia, Arta Tahiri-Beqa, ka deklaruar se Ministria e Jashtme përgjatë mandatit katërvjeçar “ka fjetur”.
Tahiri-Beqa thotë se “gjumi” i kësaj Ministrie do t’i kushtojë Kosovës.
“Diplomacia jonë kosovare, konkretisht Ministria e Jashtme për punët që i kanë bërë për katër vite kanë fjetur. ‘Sytë e mi kanë fjetur gjumë dhe tashmë që janë duke i pritur rezultatet, mundësia e formimit të qeverisë apo jo’. Më shumë sesa në gjumë kanë rënë, fatkeqësisht dhe kjo do të na kushtojë neve, fatkeqësisht”, tha ajo në emisionin “Këndi i Debatit” në Tëvë1.
Tutje ajo tha se politika e Kosovës është “një katastrofë”.
“Presidentja po mundohet me të gjitha takimet me zyrtarët të mbajë një neutralitet, por duke qenë me një shtet që jemi parlamentar. Një neutralitet me qetësua situatën, pasi që sinqerisht politika jonë e jashtme është një katastrofë”, deklaroi ajo.
