Mbrojtësi Jonathan Tah pritet të jetë përforcimi i parë i Bayern Munchenit për sezonin e ardhshëm.
Medimet gjermane kanë raportuar se Bayerni tashmë ka siguruar 29-vjeçarin, të cilin pritet ta zyrtarizoj brenda kësaj jave.
Tah te Bayerni do të transferohet si lojtar i lirë pasi në verë i skadon kontrata me Bayer Leverkusenin, ekip për të cilin ka luajtur prej vitit 2015.
Tah është ndër mbrojtësit më të vlerësuar në Gjermani kurse këtë sezon në 48 ndeshje të luajtura në të gjitha garat, ka shënuar edhe 4 gola e ka bërë 1 asistim.
Ai gjithashtu ka edhe 35 paraqitje me Kombëtaren e Gjermanisë, ndërsa ka luajtur edhe për Hamburgun e Fortuna Dusseldorfin.
