Sipas rezultateve përfundimtare të shpallura nga KQZ, Lëvizja Vetëvendosje ka fituar 47.13 për qind të votave, Partia Demokratike e Kosovës 19.44 për qind, Lidhja Demokratike e Kosovës 16.69 për qind, ndërsa Aleanca për Ardhmërinë e Kosovës 6.74 për qind.

Një ditë më parë, Gjykata Supreme hodhi poshtë pesë ankesat e paraqitura lidhur me rezultatet përfundimtare të procesit zgjedhor, duke i hapur rrugë certifikimit të tyre nga KQZ.

Ndryshe, Kushtetuta e Kosovës parasheh që pas certifikimit, seanca konstituive duhet të mbahet brenda 30 ditësh. Aty duhet të zgjidhet kryetari i Kuvendit dhe nënkryetarët, e më pas mund të vazhdohet me procedura për formim të Qeverisë dhe zgjedhjes së presidentit./teve1.info/

The post Certifikohen rezultatet e zgjedhjeve të 7 qershorit, hapet rruga për formimin e institucioneve appeared first on TËVË 1 - Lexoje të vërtetën!.

Mbledhja e KQZ-së është planifikuar të nisë në orën 11:00.

Lajmin e ka konfirmuar zëdhënësi i KQZ-së, Valmir Elezi, i cili bëri të ditur se certifikimi vjen pas përfundimit të procedurave ankimore në Gjykatën Supreme.

“Sot, më 8 korrik 2026, në orën 11:00, Komisioni Qendror i Zgjedhjeve do të mbajë mbledhjen e radhës, në të cilën në rend dite është certifikimi i rezultateve përfundimtare të zgjedhjeve të parakohshme për Kuvendin e Republikës së Kosovës, të mbajtura më 7 qershor. Mbledhja është caktuar pas vendimit të Gjykatës Supreme lidhur me ankesat e paraqitura”, ka deklaruar Elezi.

Një ditë më parë, Gjykata Supreme hodhi poshtë pesë ankesat e paraqitura lidhur me rezultatet përfundimtare të procesit zgjedhor, duke i hapur rrugë certifikimit të tyre nga KQZ.

Sipas rezultateve përfundimtare të shpallura nga KQZ, Lëvizja Vetëvendosje ka fituar 47.13 për qind të votave, Partia Demokratike e Kosovës 19.44 për qind, Lidhja Demokratike e Kosovës 16.69 për qind, ndërsa Aleanca për Ardhmërinë e Kosovës 6.74 për qind./teve1.info/

The post KQZ certifikon sot rezultatet përfundimtare të zgjedhjeve të 7 qershorit appeared first on TËVË 1 - Lexoje të vërtetën!.

Kryetari i KQZ-së, Kreshnik Radoniqi, ka bërë të ditura rezultatet përfundimtare të fituara nga secila parti dhe numrin e ulëseve në Kuvend.

“Lëvizja Vetëvendosje me 47.13% ka fituar 53 ulëse në Kuvend. PDK 19.44% ka fituar 22 ulëse në Kuvend. LDK me 16.69% ka fituar 18 ulëse në Kuvend. AAK 6.74% ka fituar 7 ulëse në Kuvend. Lista Serbe 5.40% ka fituar 9 ulëse në Kuved”, ka thënë ai.

Radoniqi ka bërë të ditur gjithashtu se kandidatët kanë të drejtë ankese brenda 48 orëve në Panelin për Ankesa dhe Parashtresa./teve1.info/

The post KQZ shpall rezultatet përfundimtare të zgjedhjeve të 7 qershorit appeared first on TËVË 1 - Lexoje të vërtetën!.

Gjatë ditës së hënë, ekipet e numërimit kanë vazhduar me verifikimin dhe numërimin e pakove postare. Nga gjithsej 223 pako të pranuara deri tani, janë përfunduar 80, që përbëjnë rreth 35.9 për qind të totalit.

Të dhënat e fundit të publikuara nga Komisioni Qendror i Zgjedhjeve tregojnë se Lëvizja Vetëvendosje vazhdon të udhëheqë bindshëm në votat e diasporës me 69.67 për qind. Në vendin e dytë renditet Lidhja Demokratike e Kosovës me 15.17 për qind të votave të numëruara deri më tani.

Partia Demokratike e Kosovës mban pozitën e tretë me 7.98 për qind, ndërsa Aleanca ka siguruar 5.34 për qind të mbështetjes nga votuesit jashtë vendit.

The post Vazhdon numërimi i votave nga diaspora, ky është rezultati appeared first on TËVË 1 - Lexoje të vërtetën!.

Sipas të dhënave të deritanishme, nga 36 vendvotime të numëruara, që përbëjnë 23.08% të totalit, Lëvizja Vetëvendosje (LVV) kryeson me 9.119 vota.

Në vendin e dytë renditet Lidhja Demokratike e Kosovës (LDK) me 2.210 vota, e ndjekur nga Partia Demokratike e Kosovës (PDK) me 876 vota dhe Aleanca për Ardhmërinë e Kosovës (AAK) me 579 vota.

Procesi i numërimit të votave me postë pritet të vazhdojë edhe gjatë ditës.

The post Vazhdon numërimi i votave me postë, LVV kryeson pas 36 vendvotimeve të numëruara appeared first on TËVË 1 - Lexoje të vërtetën!.

Sipas të dhënave të deritanishme, janë numëruar rreth 20 për qind e votave me postë, ku Vetëvendosje ka siguruar mbi 69 për qind të mbështetjes. Si rezultat, partia ka fituar edhe një mandat shtesë, duke kaluar nga 50 në 51 ulëse.

Në projektimin fillestar të bazuar në votat e numëruara brenda Kosovës, Vetëvendosje kishte siguruar 48 mandate. Me përfshirjen graduale të votave të diasporës, asaj i janë shtuar tri ulëse të reja.

Mandati i fundit i fituar nga Vetëvendosje ka ndikuar në përbërjen e partive të tjera parlamentare. Këtë herë, ulësja është marrë nga Aleanca për Ardhmërinë e Kosovës, e cila nga tetë mandate ka zbritur në shtatë.

Ndërkohë, sipas rezultateve të përditësuara, Vetëvendosje kryeson me 44.6 për qind të votave në nivel vendi. Pas saj renditet Partia Demokratike e Kosovës me 20.5 për qind, ndërsa Lidhja Demokratike e Kosovës ka 17.26 për qind. Aleanca për Ardhmërinë e Kosovës mbetet nën pragun prej 7 për qind të votave.

Komisioni Qendror i Zgjedhjeve ka bërë të ditur se nga diaspora janë pranuar rreth 85 mijë zarfe me vota. Deri tani janë përpunuar të dhënat e afro 11 mijë votuesve, ndërsa procesi i numërimit po vazhdon.

The post Vetëvendosje rrit numrin e mandateve, shkon në 51 ulëse appeared first on TËVË 1 - Lexoje të vërtetën!.

Sipas tij, të shtunën në orën 19:00 ka përfunduar procesi edhe në Qendrën Komunale të Numërimit në Prishtinë, ku janë proceduar të gjitha 262 vendvotimet e komunës.

Ky zhvillim shënon përmbylljen e procesit të verifikimit dhe numërimit në të gjitha 38 komunat e vendit, proces që kishte nisur një ditë pas mbajtjes së zgjedhjeve.

“Në total janë proceduar 2,498 vendvotime në të gjitha Qendrat Komunale të Numërimit, që përfaqësojnë 100 për qind të vendvotimeve”, ka bërë të ditur Elezi.

Megjithatë, procesi zgjedhor ende nuk ka përfunduar. Në Qendrën e Numërimit dhe Rezultateve tashmë po vazhdon numërimi i fletëvotimeve të ardhura përmes postës, ndërsa në fazat e ardhshme do të numërohen edhe votat me kusht dhe ato të personave me nevoja të veçanta.

KQZ ka nisur të premten në mbrëmje numërimin e votave me postë, proces që pritet të zgjasë disa ditë. Sipas të dhënave të institucionit, nga 23 kutitë postare të hapura për këtë formë votimi janë tërhequr mbi 85 mijë e 700 pako të supozuara me fletëvotime, shumica e të cilave tashmë janë verifikuar dhe janë gati për numërim.

Ndërkohë, po bëhen përgatitjet për numërimin e votave me kusht dhe atyre të personave me nevoja të veçanta. Në 52 vendvotime me kusht janë evidentuar 8,751 votues, ndërsa për votimin përmes ekipeve mobile janë regjistruar 3,144 votues.

Para nisjes së këtij procesi, KQZ po kryen skanimin dhe krahasimin e listave të votuesve të përdorura në vendvotimet e rregullta, me qëllim identifikimin e rasteve të mundshme të votimit të dyfishtë.

Përfundimi i këtyre procedurave do t’i hapë rrugë shpalljes së rezultateve përfundimtare të zgjedhjeve.

The post Përfundon numërimi në të gjitha QKN-të, KQZ vazhdon me votat me postë dhe ato me kusht appeared first on TËVË 1 - Lexoje të vërtetën!.

Sipas të dhënave të publikuara nga Komisioni Qendror i Zgjedhjeve, deri më tani janë numëruar 252 nga gjithsej 262 vendvotime, ose 96.18 për qind e totalit.

Një ditë më parë është përmbyllur edhe procesi i verifikimit dhe numërimit në 37 Qendra Komunale të Numërimit, duke e çuar procesin zgjedhor në fazën përfundimtare në kryeqytet.

Nga rezultatet aktuale, kandidatët e Lëvizja Vetëvendosje vazhdojnë të dominojnë listën e më të votuarve. Albin Kurti kryeson me 40,105 vota, ndërsa pas tij renditen Glauk Konjufca me 33,836 vota dhe Albulena Haxhiu me 21,769 vota. Në pesëshen e parë të subjektit janë edhe Hekuran Murati me 18,002 vota dhe Donika Gërvalla-Schwarz me 16,470 vota.

Në Partia Demokratike e Kosovës, kandidati më i votuar deri tani është Bedri Hamza me 14,633 vota. Pas tij vijnë Uran Ismaili me 11,930 vota, Përparim Gruda me 10,002 vota, Arian Tahiri me 7,711 vota dhe Vlora Çitaku me 7,256 vota.

Në Lidhja Demokratike e Kosovës, listën e kryeson Vjosa Osmani me 14,566 vota. Pas saj renditen Doarsa Kica-Xhelili me 13,186 vota, Lumir Abdixhiku me 13,144 vota, Hykmete Bajrami me 11,127 vota dhe Avdullah Hoti me 10,080 vota.

Ndërkaq, në Aleanca për Ardhmërinë e Kosovës, më i votuari është Ardian Gjini me 4,113 vota. Ai pasohet nga Ramush Haradinaj me 3,718 vota, Besnik Tahiri me 3,184 vota, Daut Haradinaj me 2,815 vota dhe Burim Ramadani me 2,379 vota.

Me numërimin e 10 vendvotimeve të mbetura, procesi i numërimit në Prishtinë pritet të përfundojë plotësisht në ditët në vijim.

The post Vetëm 10 vendvotime kanë mbetur pa u numëruar në Prishtinë appeared first on TËVË 1 - Lexoje të vërtetën!.

Sipas të dhënave zyrtare, Lëvizja Vetëvendosje ka dalë e para me 18,789 vota, që përbëjnë 83.28 për qind të votave të numëruara.

Në vendin e dytë renditet Partia Demokratike e Kosovës me 1,608 vota apo 7.13 për qind, ndërsa Lidhja Demokratike e Kosovës ka marrë 1,490 vota apo 6.60 për qind.

Aleanca ka siguruar 464 vota, që përbëjnë 2.06 për qind të totalit të votave të numëruara në përfaqësi diplomatike./teve1.info/

The post Përfundon numërimi i votave në përfaqësi diplomatike, VV-ja merr mbi 83 për qind appeared first on TËVË 1 - Lexoje të vërtetën!.

Të dhënat e fundit nga Komisioni Qendror i Zgjedhjeve tregojnë se nga 2,498 vendvotime në total, janë numëruar 2,117 që përfaqësojnë rreth 84,75% të procesit të përgjithshëm.

Me avancimin e numërimit, po bëhet më e qartë edhe lista e kandidatëve që kanë siguruar mbështetjen më të madhe të qytetarëve dhe që pritet të zënë ulëse në Kuvend.

Në Lëvizja Vetëvendosje, kandidati më i votuar mbetet Albin Kurti me 202,448 vota. Pas tij renditen Glauk Konjufca me 159,156, Albulena Haxhiu me 92,727 vota, Hekuran Murati me 80,160 vota dhe Donika Gërvalla me 75,476 vota.

Në Partia Demokratike e Kosovës, më së shumti vota ka grumbulluar Bedri Hamza, i cili ka marrë 100,885 vota. Më pas vijnë Përparim Gruda me 62,064 vota, Arian Tahiri me 54,089 vota, Uran Ismaili me 48,533 vota dhe Sala Jashari me 33,702 vota.

Sa i përket Lidhja Demokratike e Kosovës, në krye të listës së votave qëndron Vjosa Osmani me 67,208. Ajo pasohet nga Lumir Abdixhiku me 61,058, Doarsa Kica-Xhelili me 47,472 vota, Hykmete Bajrami me 37,646 vota dhe Avdullah Hoti me 34,337 vota.

Në anën tjetër, në Aleanca për Ardhmërinë e Kosovës, kandidati më i votuar deri tani është Ardian Gjini me 35,289 vota. Pas tij renditen Ramush Haradinaj me 31,889 vota, Daut Haradinaj me 24,107 vota, Besnik Tahiri me 20,733 vota dhe Bekë Berisha me 17,327 vota. /teve1.info/

The post Mbi 2 mijë vendvotime të numëruara, këta janë kandidatët më të votuar appeared first on TËVË 1 - Lexoje të vërtetën!.