Shefi i Zyrës së Bashkimit Evropian në Kosovë, Tomas Szunyog ka folur për takimin me ambasadorin e Shteteve të Bashkuara të Amerikës, Jeffrey Hovenier dhe kryetarët e Zveçanit dhe Zubin Potokut, Ilir Peci dhe Izmir Zeqiri në Zyren e BE-së.
Përmes një postimi në Twitter, Szunyog ka thënë se kanë kërkuar nga kryetarët e komunave veriore që të përmbahen dhe të mos bëjnë veprime që mund të përshkallëzojnë situatën në veri të vendit, shkruan teve1.info
Tutje, ai theksoi se i vjen keq për kryetarin e Leposaviqit dhe atë të Mitrovicës së Veriut që nuk kanë mundur t’i bashkohen takimit.
“I lumtur të pres në takim ambasadorin e ShBA-së në Kosovë dhe kryetarët e sapozgjedhur të komunës së Zveçanit Ilir Peci dhe Zubin Potokut Izmir Zeqiri sot në zyrën tonë, me të cilët diskutuam për zhvillimet aktuale në veri Kosovë. Ambasadori Hovenier dhe unë u bëmë thirrje dy kryetarëve të bashkive që të tregojnë përmbajtje dhe të mos përdorin veprime që mund të përshkallëzojnë më tej situatën. Më vjen keq që kryetarët e Leposaviqit dhe Mitrovicës së Veriut nuk mundën të na bashkohen”, ka shkruar Szunyog në Twitter.
🧵Happy to host @USAmbKosovo and the newly elected mayors of Zvecan/Zveqan, Mr Ilir Peci, and Zubin Potok, Mr Izmir Zeqiri in our office today, with whom we discussed the current developments in northern 🇽🇰Kosovo.
— Ambassador Tomáš Szunyog (@EUAmbKS) May 29, 2023
Ndryshe, edhe kryeminstri i Kosovës, Albin Kurti ka reaguar për situatën e krijuar në veri të vendit, ku ka thënë se është koha që të qetësohet situata atje dhe të zbatohet Marrëveshja Bazike e 27 shkurtit në Bruksel./teve1.info
