Braziliani Sylvinho do të vazhdojë të mbetet në krye të Kombëtares së Shqipërisë.
Federata Shqiptare e Futbollit (FSHF), të mërkurën ka njoftuar për vazhdimin e bashkëpunimit me selektorin Sylvinho.
FSHF, ka shkrujtur se konfirmon vazhdimësinë e projektit teknik që ka sjellë rezultate historike.
“Trajneri Silvinjo, zëvendëstrajnerët Zabaleta dhe Dorival kanë rinovuar kontratat me Federatën e Futbollit deri në korrik 2026 me synim objektivin madhor kualifikimin për herë të parë në histori të Shqipërisë në fazën finale të Kupës së Botës”, ka njoftuar FSHF.
Me këtë veprim, FSHF ka komfirmuar besimin e plotë në Sylvinon, i cili e kualifikoi Shqipërinë në Evropian.
“Vendimi për rinovimin e kontratës reflekton besimin e plotë të FSHF-së në stafin aktual, filozofinë e punës së ndërtuar ndër vite dhe angazhimin për stabilitet, vazhdimësi dhe ambicie të larta”, ka vazhduar FSHF.
Këtë herë, Sylvinho po synon kualifikimin e Shqipërisë në Botërorin e këtij viti.
Shqipëria tashmë është në “play-off” për kualifikim në Botëror, ku në gjysmëfinale do të përballet me Poloninë.
