Shqipëria do të përballet sot me Anglinë, ndeshje kjo që starton në orën 18:00 dhe është e fundit që vlen për Grupin K të ciklit kualifikues për Botërorin 2026.
Sylvinho tashmë ka projektuar formacionin kundër Anglisë, i cili pritet të ketë ndryshime të mëdha.
Fillimisht, u mendua se Sylvinho mund të rrezikojë me ndonjë zgjedhje, por jo.
Nuk do të ketë aktivizim të pesë futbollistëve, që në rast se ndëshkohen me karton të verdhë do të mungojnë në gjysmëfinalen e fazës “play-off”.
Mario Mitaj, Juljan Shehu, Rey Manaj, Arlind Ajeti dhe Nedim Bajrami janë futbollistët, që në rast ndëshkimi nuk do të luajnë në gjysmëfinale.
Sot, Sylvinho llogaritë pritet ti bëjë pa këta lojtarë.
Kështu që, formacioni i mundshëm i Shqipërisë, pritet të jetë ky:
Në portë, Thomas Strakosha kurse para tij do të vendosen Elseid Hysaj e Naser Aliji në krah derisa në qendër të mbrotjes do të jenë Berat Gjimshiti e Ardian Ismajli.
Mesfusha do të përbëhet nga treshja: Qazim Laçi, Kristjan Allsani dhe Medon Berisha.
Ndërsa, në sulm pritet të aktivizohen Armando Broja, Mirlind Daku e Myrto Uzuni.
