Me fokus të theksuar në goditjet standarde dhe mbrojtjen ndaj goditjeve nga ajri, selektori i Shqipërisë, Sylvinho ka vendosur të përfshijë një grup të veçantë lojtarësh, kryesisht mbrojtës, me të cilët ka zhvilluar seancën stërvitore të mërkurën paradite që ishte me dyer të mbyllura.
Një nga aspektet që ka shkaktuar shqetësim të Sylvinho, është forca e Serbisë nga këndi dhe goditjet e lirë, pasi njihet për rrezikun që mund ta shkaktoj në ajër.
Puna e Sylvinhos me mbrojtësit ishte fokusuar në ruajtjen e disiplinës gjatë këtyre situatave dhe në parandalimin e çdo mundësie për shënim nga topat e lëvishëm dhe goditjet standarde.
Krahas mbrojtësve, edhe portieri do të ketë një rol të rëndësishëm për të ndihmuar në këtë luftë në ajër.
Për herë të parë, Sylvinho ka në dispozicion të gjitha forcat në mbrojtje pasi tashmë është kthyer edhe Mario Mitaj.
Mitaj dhe Naser Aliji janë kandidatë për krahun e majtë të mbrojtjes derisa në krahun e majtë ka balotazh mes Elseid Hysajt e Ivan Balliut.
Në qendër të mbrojtjes pritet të luajnë Berat Gjimshiti e Ardian Ismajli por kandidatë për një vend titullari mbeten edhe Marash Kumbulla e Arlind Ajeti.
Ndeshja Shqipëri – Serbi, që i takon kualifikimeve për Botërorin 2026, do të luhet të shtunën mbrëma në stadiumin “Arena Kombëtare”.
