Nuk ka alarm për Ardian Ismajlin, mbrojtësin shqiptar të Empolit, i cili një natë më parë u largua nga loja para kohe.
Në suksesin e madh të skuadrës italiane, që eliminoi nga Kupa Juventusin, Ismajli që kthehej nga lëndimi, u zëvendësua në minutën e parë të pjesës së dytë. Të gjithë e menduan më të keqen nga ky vendim i D’Aversës, i cili ishte i detyruar ta bëjë këtë lëvizje, nga frika për ndonjë shqetësim fizik të lojtarit.
Të enjten mësohet se trajneri i Empolit ka vendosur për të larguar Ismajlin në mes të ndeshjes me Juventusin pasi ka dashur që ta ketë të freskët për ndeshjen e Serisë A.
Siç dihet Empoli këtë sezon rrezikon rënien nga kategoria dhe për D’Aversën ndeshja në udhëtim me Genoan është një finale e vërtetë.
Lajmi ka gëzuar klubin italian e mbi të gjitha Kombëtaren kuqezi dhe përzgjedhësin Sylvinho, i cili mund të llogarisë në shërbimet e shtyllës kryesore në mbrojtjen shqiptare, në prag të ndeshjeve kualifikuese të Botërorit 2026 me Anglinë më 21 mars në Londër dhe Andorën 3 ditë më vonë në Tiranë.
