Kombëtarja e Shqipërisë po përgatitet për njërën nga sfidat më të rëndësishme dhe më të vështira në kuadër të eliminatoreve për Botërorin 2026.
Ndeshjen e parë të këtij cikli kualifikues, Shqipëria e luan në udhëtim kundër Anglisë, kombëtare kjo që vlerësohet favorite në këtë përballje.
Bazuar në ekipin e Anglisë që ka një sulm të frikshëm dhe lojë të bazuar në fuqi fizike dhe shpejtësi, atëherë Shqipëria pritet të rreshtohet në fushë me skemën 5-4-1.
Berat Gjimshiti, Arlind Ajeti e Marash Kumbulla, pritet të formojnë boshtin e mbrojtjes, me Ivan Balliun të vendosur në krahun e djathtë dhe Naser Alijin në të majtin.
Mesfusha do të përbëhej nga Jasir Asani në krahun e djathtë e Nedim Bajrami në të majtin kurse në qendër do të vendosen Kristjan Asllani e Ylber Ramadani.
Në sulm, pritet të jetë i vetëm Myrto Uzuni apo Rey Manaj.
