Tekniku nga Brazili, Sylvinho do të mbetet trajner i Kombëtares së Shqipërisë edhe për dy vitet e ardhshme.
Këtë e ka konfirmuar edhe kreu i FSHF-së, Armand Duka për mediumet në Tiranë duke shtuar se zyrtarizimi do të bëhet pas Kampionatit Evropian.
Duka ka zbuluar se marrëveshja tashmë është arritur mes palëve dhe Sylvinho me stafin e tij do të mbetet te Shqipëria deri pas Kampionatit Botëror të vitit 2026.
Pra, braziliani është pajtuar të rinovoj kontratën edhe për dy vjet të tjera për të vazhduar bashkëpunimin me FSHF-në. Kontrata aktuale me FSHF-në, i skadon Sylvinhos pas “Euro 2024” që nis këtë muaj dhe mbahet në Gjermani.
Sylvinho në fillim të vitit të shkuar u emërua trajner i Shqipërisë dhe nën drejtimin e tij, “kuqezinjtë” arritën të kualifikohen për “Euro 2024” ku janë pjesë e Grupit B së bashku me Italinë, Kroacinë dhe Spanjën.
