Trajneri i Kombëtares së Shqipërisë, Sylvinho ka folur me emocion për të kaluarën e tij në Spanjë.
Në konferencën për shtyp të dielën para ndeshjes mes Shqipërisë dhe Spanjës, Sylvinho u tha gazetarëve se i është mirënjohës shtetit spanjoll për gjithçka që i ka dhënë atij dhe familjes së tij.
Por, Sylvinho ka insistuar me Shqipërinë synon ta mposht Spanjën të hënën mbrëma. Ndeshja Shqipëri – Spanjë, luhet të hënën nga ora 21:00 në Duesseldorf dhe i takon xhiros së fundit të Grupit B. Shqipërisë i duhet fitorja ndaj Spanjës për të shpresuar paraqitjen për herë të parë në fazën nokaut.
“Të luaj kundër Spanjës është fantastike. Spanja është përfaqësuese brilante. Kemi kaluar grup të vështirë për të ardhur këtu dhe tani jemi në grupin e vdekjes për të luajtur ndeshjen e fundit me Spanjën. Do të luajmë kundër njërës për përfaqësuesen më të mirë në botë, me disa prej lojtarëve më të mirë në botë. Spanja është prej favoriteve për ta fituar këtë kompeticion”, ka thënë Sylvinho.
Sylvinho shpreson fitore me Shqipërinë kundër Spanjës.
“Është një ndeshje me rëndësi dhe një ndeshje që nuk do ta harroj. Të luaj për herë të parë ndaj Spanjës, jam gjysmë spanjoll, gjysmë brazilian dhe nuk do ta harroj këtë ndeshje. Është ndeshje shumë e rëndësishme. Nëse kjo është ndeshja më e rëndësishme, situata mund ta bëj ndeshjen shumë të rëndësishme. Pas barazimit në minutën e fundit me Kroacinë tani jemi këtu. Gjithnjë ndeshja që vjen është më e rëndësishmja, kështu që ndeshja me Spanjën është më e rëndësishmja”, ka thënë Sylvinho.
Sylvinho cili mori drejtimin e Shqipërisë në janar të vitit 2023, ndërsa e udhëhoqi atë me shumë sukses në kualifikimet e Evropianit që po mbahet në Gjermani.
“Do të luajmë gjatë tërë 90 minutave, nëse fitojmë e kalojmë grupin atëherë edhe më mirë. Do të ishte kënaqësi e madhe të luajmë në mesin e 16 më të mirave. Do të bëjmë paraqitjen tonë më të mirë, nëse bëjmë këtë do të kemi mundësi”, ka thënë Sylvinho.
