FSHF-ja ka njoftuar të premten se përzgjedhësi i Kombëtares shqiptare Sylvinho do ta zbulojë listën të hënën e ardhshme, më 27 maj në ora 16:00.
Tekniku brazilian do të dalë në konferencë për shtyp dhe do të flasë për listën e lojtarëve.
“Lojtarët fillimisht do të grumbullohen në Shqipëri e më pas në fundin e muajit maj do të udhëtojmë drejt Austrisë. Kombëtarja ka edhe dy ndeshje miqësore në program, ndaj Lihtenshtajnit më 3 qershor në orën 20:00, dhe ndaj Azerbajxhanit më 7 qershor në orën 19:00”, ka njoftuar FSHF-ja. Këto dy ndeshje luhen në Hungari.
“Më 8 qershor kuqezinjtë do të udhëtojnë drejt Gjermanisë dhe do të zhvillojnë përgatitjet për finalet e Evropianit, në kampin bazë në SportCentrum Kaiserau, në afërsi të Dortmundit”.
