Në orët e vona të së martës, gazetari Valon Syla, u sulmua nga tre persona. Ky sulm nxiti reagimin e masës, derisa më vonë edhe vet gazetari Syla, tregoi se cka ndodhi.
Përmes një shkrimi në facebook, dyshimet për sulmin i lidhë me postimet e tij të fundit.
“Sulmi me çdo gjase ka të bëjë me reagimet e mia rreth ‘Mulla Mercedesit’ dhe ngjarjeve në BIK, qe duket se nuk ju ka pëlqyer fare dhe kështu ka nxitur ketë komunitet te militanteve islamik të organizojnë sulm fizik të paramenduar. Kjo tregon se këta predikues fetarë, e hoxhallarë që nxisin dhunë e prodhojnë kësi militantizmi shpërblehen me mercedesa, nga shefat e Bashkësive Fetare, dhe duke i shpërblyer përgatiten të ushtrojnë dhunë dhe frikësim te të gjithë ata që nuk i përcjellin dogmat e tyre.”
Syla poashtu tha se nga ky sulm pësoi lëndime të rënda në kokë dhe në dorë në majtë. Por, Prokuroria Themelore në Prishtinë e cila po merret me rastin, e ka cilësuar si “Lëndim të lehtë trupor”.
E ky cilësim sipas juristes së të drejtës së medias Flutura Kusari, është një nga arsyet pse sulmet ndaj gazetarëve po përsëriten.
Sulmin ndaj gazetarit Syla e dënoi menjëherë Asociacioni i Gazetarëve të Kosovës, por shqetësuese po e konsiderojnë mos-reagimin e menjëhershëm të institucioneve.
Për këtë rast reaguan të mërkurën kryeministri Kurti dhe ministrja e Drejtësisë Albulena Haxhiu. Ata kërkuan që autorët të vihen para drejtësisë.
Për sulmin ndaj Sylës ka reaguar edhe Qendra Evropiane për Liri të Shtypit dhe Medias, Federata Evropiane e Gazetarëve, si dhe Ambasadori i BE-së në Kosovë, Tomas Szunyog.
Kronika e realizuar nga gazetarja Fetije Kamberi
