Mbrojtësi Ilir Syla më nuk është pjesë e skuadrës së Dukagjinit nga Klina.
Klubi i Superligës së Kosovës, të dielën mbrëma ka njoftuar se Syla është larguar, duke e falënderuar për kontributin dhe i ka dëshiruar suksese në vazhdim të karrierës.
“KF Dukagjini dëshiron të shprehë mirënjohjen më të sinqertë për Ilir Sylen, një futbollist që ka lënë gjurmë të pashlyeshme në klubin tonë”, thuhet ndër të tjera në shkrimin e Dukagjinit.
30-vjeçari Syla ka qenë për një periudhë të gjatë te Dukagjini, ndërsa ka luajtur edhe për Vëllaznimin, Istogun e Suharekën.
Në total, Syla ka regjistruar 142 ndeshje në elitën e futbollit kosovar.
