Ministri i Punëve të Brendshme, Xhelal Sveçla tha se rreshter Afrim Bunjaku ra sot në krye të detyrës, në mbrojtje të sovranitetit dhe integritetit territorial të Republikës së Kosovës.
Ai në Facebook theksoi se lufta dhe përpjekja e rreshter Afrimit dhe gjithë pjesëtarëve të Policisë së Kosovës për rend, ligj dhe siguri në veri të vendit nuk do të ndalet.
“Rreshter Afrim Bunjaku ra sot në krye të detyrës, në mbrojtje të sovranitetit dhe integritetit territorial të Republikës. Ne zotohemi, që lufta dhe përpjekja e Afrimit dhe gjithë pjesëtarëve të Policisë së Kosovës për rend, ligj dhe siguri në veri të vendit nuk do të ndalet. Lavdi Heroit Afrim Bunjaku”, tha Sveçla.
Ndryshe, rreshteri policor Afrim Bunjaku u vra sot në një sulm në afërsi të fshatit Banjskë.