Ministri në detyrë i Brendshëm, Xhelal Sveçla të mërkurën ka takuar zëvendëskryeministrin dhe ministrin e Brendshëm të Kroacisë, Davor Božinović.
Të dy palët në këtë takim kanë diskutuar për situatën e sigurisë në dy vendet.
Sveçla gjatë ditës, në kuadër të Ministerialit të Forumit të Salzburgut që mbahet në Kroaci, do të vazhdojnë diskutimet mbi çështjet kyçe të sigurisë për rajonin dhe më gjerë.
“Republika e Kosovës dhe Republika e Kroacisë gëzojnë marrëdhënie të shkëlqyera bashkëpunimi, veçanërisht në fushën e sigurisë, të bazuara në qëllime të përbashkëta për paqe, stabilitet dhe siguri të qëndrueshme në rajon”, ka shkruar ministri./teve1.info/
