Sipas një komunikate për medie, Sveçla e ka falënderuar për mbështetjen e vazhdueshme ndaj Kosovës, sidomos për mbështetjen konkrete të presidencës çeke, për të shtyrë përpara procesin e liberalizimit të vizave për Republikën e Kosovës.
“Ministri Sveçla e ka njoftuar homologun e tij me prioritetet dhe rezultatet e arritura në fushën e luftimit të krimit e korrupsionit, migrimit të paligjshëm dhe kontrabandës në përgjithësi, si dhe angazhimin e Qeverisë së Kosovës për të shtyrë përpara proceset e integrimit evropian”, thuhet në komunikatë.
Sipas njoftimit, ministri Rakusan përgëzoi institucionet e Kosovës për rezultatet e dukshme të arritura në luftën kundër krimit dhe korrupsionit dhe konfirmoi përkrahjen e pa rezervë të
Qeverisë së Republikës çeke në proceset integruese, përfshirë edhe procesin e liberalizimit të vizave.
Të dy bashkëbiseduesit u dakorduan që dy vendet kanë potencial shumë të madh për të rritur bashkëpunimin në shumë fusha, me theks tek bashkëpunimi policor, shkëmbimi i informacioneve dhe fushave tjera me interes të përbashkët për të kontribuuar së bashku për sigurinë në rajon dhe më gjerë.
