Nga prizmi i tij, qeverisja e deritashme e Ramës në Prishtinë ka qenë e zbehtë, anemike dhe e paplanifikuar.
“Qeverisjen e Ramës e kemi parë ashtu siç është e zbehtë, anemike, e paplanifikuar, pritshmëritë kanë qenë të vogla në çdo drejtim por këto pritshmëri janë ulur edhe te qytetarët kemi takime të përditshme me ta dhe të gjithë janë të zhgënjyer dhe të penduar me zgjedhjen që kanë bërë. Flas me qytetarë të Prishtinës që kanë votuar për zotëri Ramën sepse premtimet kanë qenë megalomane teksa shejat e para janë dëshpëruese”, tha ai.
I ftuar në “Ditari” në Tëvë1, Sveçla vlerëson se Rama në betejën e vetë qeverisëse ka probleme të brendshme, pasi sipas Sveçlës, pushteti është i ndarë në tri pjesë: një pjesë e ka LDK-ja, një PDK-ja dhe një kryetari Përparim Rama.
“Në anën tjetër duhet thënë që Rama në këtë betejën e vet qeverisëse ka probleme të brendshme me subjektet që bashkëqeverisë lirisht mund të themi se nuk kemi qeverisje të Ramës por pushteti mendojmë se është ndarë në tri pjesë mes LDK, PDK dhe Rama. Këtë po e them duke u nisur nga fakti se të gjithë drejtorët që janë emëruar në Komunën e Prishtinë janë që i kanë pruar subjektet politike dmth drejtorët e vetë i ka caktuar LDK edhe PDK që në këtë hap ai e ka humbur betejën”, shtoi ai.
Sipas tij, kjo pasi që koalicioni bashkëqeverisës LDK – PDK i kanë ndarë postet në ndërmarrjet komunale.
“Këtë që e thashë e para është te ndarja e drejtorive pastaj ndarjen e aksionarëve të ndërmarrjeve komunale që i kanë ndarë një e ka LDK, një PDK, një LDK një PDK nuk është siç ka qenë më parë në një ndërmarrje aksionarët kanë qenë të subjekteve të ndryshme, e kam fjalën që janë në qeverisje, mirëpo këta i kanë ndarë ashtu që në një ndërmarrje dy të LDK-së dhe dy të PDK-së dhe e dëshmojnë që koalicioni është i interesave dhe grupeve e klaneve nuk do t’i sjellë të mira qytetarëve”, deklaroi ai.
Ndërkaq, asamblisti i LVV-së ka folur edhe për problemin e qenve endacakë, për të cilin thotë se është më i madhi momental në Prishtinë.
Ai vlerëson se kryetarit Ramai ka dalë jashtë kontrollit ky problem dhe se qytetarët ndjehen të rrezikuar.
“Mendoj që problemi më i madh është ky momental që e ka qyteti i Prishtinës tashmë mendoj se ky problem ka dalë jashtë kontrollit, qytetarët ndjehen të rrezikuar në çdo hap natyrisht se i takon ekzekutivit të komunës, që të inicojnë programe dhe detyrat e nevojshme të fillojë zgjidhja e problemit, Rama dhe LDK është në koalicion me PDK-në ndëkrohë që kandidati PDK-së për kryetar Uran Ismajli pati deklaruar se problemin mund ta zgjedh për 100 ditë”, tha ai.
Por, ai e tregon edhe “fajtorin” pse ditëve të fundit janë shpeshtuar sulmet e qenve endacakë ndaj qytetarëve të Prishtinës.
“Problemin me qentë endacakë nuk e ka sjellur Rama por tashmë sulmet e tyre janë bërë më agresive në këtë ka ndikuar edhe ngritja e këtyre pikave të reja ushqyese për qentë që janë bërë para disa javësh dhe kanë pasur efekt të kundërt sepse është menduar duke i ushqyer do të jenë më pak agresivë”, deklaroi ai./teve1.info/
