Ministri i Punëve të Brendshme, Xhelal Sveçla ka reaguar pasi sot në veri të vendit janë mbyllur tri pompa të derivateve, në një aksion të AKP-së për verifikimin e pronave të tyre.
Sveçla ka thënë se krimi në veri të Kosovës, ka qenë i thellë, i organizuar dhe i papenguar gjatë këtyre viteve.
Derisa, ministri tha se deri më tani ka dëshmuar se sundimi i rendit dhe ligjit është i mundshëm kudo në Kosovë.
Ai ka bërë të ditur se për keqpërdoruesit do të ketë ballafaqim me ligjin.
“Epoka e përfitimeve dhe pasurimeve në kurriz të shtetit dhe qytetarëve po perëndon. Për shtetin dhe qytetarët pa dallim do të bëjmë gjithçka, për keqpërdoruesit ballafaqim me ligjin. Shkelësit e ligjeve dhe rregullave tona si ‘’Nis Petrol’’, damar i Gazpromit rus, nuk ka vend në Republikën e Kosovës”, ka shkruar Sveçla në Facebook./teve1.info/
