Sveçla përmes një njoftimi në “Facebook” tha se në këtë takim iu drejtua zyrtarëve të BE-së dhe Koordinatorëve Nacional kundër terrorizmit të shteteve të Ballkanit Perëndimor për progresin dhe sfidat e Kosovës lidhur me ekstremizmin e dhunshëm dhe terrorizmin.
“Përveç progresit tonë të dëshmuar në fushën e riintegrimit të të kthyerve nga zonat e konflikteve të huaja, kam theksuar po ashtu edhe vendosmërinë tonë për t’u përgjigjur me tërë kapacitetet tona të gjitha sulmeve kriminale dhe terroriste në veri të vendit”, ka shkruar Sveçla.
Tutje ai tha se sa i përket sigurisë në rajon patjetër që duhet përmendur kërcënimet për Kosoëv nga lufta e Rusisë, e që sipas tij Serbia po vazhdon t’i rreshtohet duke e shfrytëzuar rrjetet e krimit të organizuar për të destabilizuar vendin.
“Mbi të gjitha siguria e qytetarëve tanë dhe mbrojtja e sovranitetit dhe integritetit territorial mbetet misioni ynë kryesor”, thuhet në njoftimin e tij./teve1.info/.
