Ministri i Punëve të Brendshme, Xhelal Sveçla ka vizituar sot kryetarin e komunës së Mitrovicës së Veriut, Erden Atiq.
Sveçla tha se i ka uruar punë të mbarë në detyrën e tij të re kryetarit Atiq, teksa tha se i ka ofruar gatishmëri të plotë në zbatimin e prioriteteve të tij.
“Do të angazhohemi bashkërisht, si nivel qendror dhe lokal, që qytetarëve tanë të Mitrovicës së Veriut të ju sigurojmë mirëqenie, arsim, shëndetësi, siguri e kushte të qëndrueshme jetese. Mitrovica e Veriut si çdo komunë e Republikës së Kosovës do të përjetojë progresin e merituar”, shkroi Sveçla në Facebook.
Ndryshe kryetari i ri Erden Atiq është betuar të premten e kaluar me ceremoni në objektin e komunës së Mitrovicës së Veriut, ku pjesëmarrës ishin 13 asamblistë./teve1.info./