Ministri i Punëve të Brendshme Xhelal Sveçla ka thënë se epoka e tolerimit të keqpërdorimit të detyrës zyrtare dhe pasurimit në kurriz të qytetarëve ka përfunduar.
Këto deklarime ai i bëri pasi sot Prokuroria Themelore e Pejës në bashkëpunim me Policinë e Kosovës, përkatësisht Njësitin kundër krimeve ekonomike kanë ndërmarrë aksion në kompaninë e pastrimit “Ambienti” në Pejë.
Ministri Sveçla tutje ka thënë se vendi nuk do të jetë më zonë e rehatisë për asnjë individ apo grup që sipas tij, cënon mirëqenien e qytetarëve dhe vendit.
Teksa theksoi se kryesit e çfarëdo lloj aktiviteti ilegal do të ballafaqohen me drejtësinë.
“Vendi ynë nuk do të jetë më zonë e rehatisë për asnjë individ apo grup që cënon jetën dhe mirëqenien e qytetarëve tanë e sigurinë e vendit tonë. Secili kryes i çdo lloj aktiviteti ilegal do të ballafaqohet me drejtësinë”, tha ai./teve1.info./
https://teve1.info/lajmet/11-shoqerohen-ne-polici-9-veta-disa-anetare-te-bordit-te-ambientit/
