Ministri i Brendshëm Xhelal Sveçla ka njoftuar se i arrestuari i tretë për sulmet brutale ndaj gazetarëve në veri të vendit është Urosh Vukasinoviq.
Sipas Sveçlës këta kriminelë po marrin urdhra për këto sulme nga Beogradi, por që të njëjtit ai tha se tashmë do të përballen me drejtësinë.
“Tre ditët e fundit, tre të arrestuar për sulmet brutale dhe kriminale ndaj gazetarëve që raportojnë nga veriu i vendit. I arrestuari i tretë, i rradhës, është Urosh Vukasinoviq. Këta kriminelë, të cilët po marrin urdhra për këto sulme nga Beogradi, tashmë do të përballen me drejtësinë. Nuk do të ndalemi, çdo përgjegjës për dhunën dhe aktet kriminale ndaj gazetarëve, do të arrestohet.”, tha ai.
Teksa shtoi se ”Republika e Kosovës është vend shembull i funksionimit të demokracisë, dhe nuk do të lejojmë askënd, me asnjë çmim të sulmojë qytetarët, të frikësojë raportimin e gazetarëve dhe cenojë rendin tonë kushtetues”.
Ndryshe Policia e Kosovës, sot ka arrestuar edhe një serb tjetër, U.V., pasi që i njëjti dyshohet për sulmet ndaj gazetarëve më 16 qershor në Leposaviq./teve1.info./
Arrestohet edhe një person për sulmin ndaj gazetarëve në veri