I ftuar në emisionin “Ditari” në Tëvë 1, ai thotë se është se çuditshme se si një parti të mbrojë këtë ndërmarrje kur as nuk është pjesë e Kuvendit Komunal.
“E çuditshme e kësaj është se pse PSD duhet të mbrojë NPB e cila është ndërmarrje e Kuvendit Komunal të Prishtinës dhe themelues është ajo dhe është krejt e palogjikshme që një parti politike që nuk është e përfaqësuese në Kuvend dhe nuk i ka aksionarët, të dalë dhe të mundohet një farë mënyrë t’i mbrojë veprimet brenda asaj ndërmarrje”, tha ai.
Tutje, Sveçla tha se dyshimet e tyre për kapjen e kësaj ndërmarrjeje janë se PSD-ja ka publikuar dokumente të rëndësishme të NPB-së.
“Por edhe këtu është e çuditshme sesi dokumente të Ndërmarrjes Publike nxjerren nga ndërmarrja dhe prezantohen në konferencë për shtyp nga kryetari i një subjekti politik realisht me ato veprime po dëshmojnë se kanë kapur NPB-në dhe në çdo kohë mund t’i nxjerrin dhe ka procedura që dhe dokumente që janë në pikëpytje”, shtoi ai.
Po ashtu, asamblisti hedhi akuza ndaj koalicionit qeverisës LDK-PDK në Prishtinë pasi që nuk votuan propozimin e tyre mbi gjendjen e kësaj ndërmarrjeje.
“Sot ishim në seancë kur e lexuam informacionin se është bërë shkarkimi i tij, është emëruar një U.D që ka qenë anëtar i PSD-së dhe tash ka kaluar në PDK. Ne si LVV sot propozuam që në seancën e Kuvendit Komunal të diskutojmë mbi gjendjen në NPB, por të këtij mendimi nuk ishin asamblistët e PDK dhe LDK duke mos dhënë asnjë arsyetim por nuk e përkrahën propozimin tonë”, theksoi ai./teve1.info/
