Ministri i Punëve të Brendshme, Xhelal Sveçla po qëndron në një vizitë zyrtare në Kroaci, me ç’rast zhvilloi një takim me holomogun e tij kroat, Davor Božinović.
Përmes një postimi në Facebook, Sveçla bën të ditur se Božinović e njoftoi për përkushtimin e Kosovës në luftën ndaj krimit, raporton teve1.info
Ai thekson se ministrin kroat e njoftoi edhe për dëshmitë që ka Kosova, se Serbia është e përfshirë në sulmin terrorist të 24 shtatorit në Banjskë.
“Me këtë rast z. Božinović e njoftova për përkushtimin dhe rezultatet tona në luftën kundër çdo lloj krimi që cënon sigurinë e vendit tonë dhe qytetarëve tanë dhe e falënderova për mbështetjen e vazhdueshme të Kroacisë si dhe për gatishmërinë për të thelluar dhe më tutje bashkëpunimin mes dy ministrive tona. Biseduam për situatën e sigurisë dhe rreziqet e mundshme për destabilizim të rajonit, me fokus tek sulmet e njëpasnjëshme të strukturave kriminale të Serbisë ndaj institucioneve dhe zyrtarëve tanë në veriun e vendit tonë e veçanërisht për sulmin terrorist të 24 shtatorit në Banjskë ku mbeti i vrarë Rreshter Afrim Bunjaku. E njoftova për dëshmitë e institucioneve tona që tregojnë lidhjen dhe angazhimin direkt të Serbisë me të gjithë mekanizmat e saj në realizimin e këtij sulmi”, ka shkruar ai.
Tutje, ministri Sveçla pontencoi se të dy u dakorduan për thellim të mëtejmë të raporteve shtetërore. /Teve1.info/
