Ministri i Mbrojtjes, Xhelal Sveçla i ka ftuar bashkatdhetarët që të ushtrojnë të drejtën e tyre të votës për zgjedhjet parlamentare të Kosovës me 9 shkurt.
Sveçla ka thënë se me këtë ata kanë mundësinë që të bëhen pjesë e një procesi demokratik që vendos për të ardhmen e atdheut të përbashkët.
“Të dashur bashkatdhetarë që jetoni kudo në mërgatë. Nga sot deri më 8 shkurt, të gjithë ju që jeni regjistruar për të votuar me postë, keni mundësinë të ushtroni të drejtën tuaj të votës. Ju ftoj të bëheni pjesë e një procesi demokratik që vendos për të ardhmen e atdheut tonë të përbashkët, Kosovën”, është shprehur ai përmes një video në Facebook.
Sot më 9 janar ka nisur votimi me postë për votuesit jashtë Kosovës për zgjedhjet parlamentare të 9 shkurtit.
Votimi me postë do të zgjasë deri më 8 shkurt, ndërsa më 8 shkurt, ata do të mund të votojnë fizikisht në përfaqësi diplomatike të Kosovës në 22 vende të botës./teve1.info/
