Zyrtari policor, Idriz Gashi që u pa në njërën nga tubimet e organizuara nga PDK-ja, është suspenduar nga Inspektoriati Policor i Kosovës. E ish kryeshefi i këtij institucioni ka thënë që në asnjë rrethanë policët nuk do duhej të jenë pjesë e organizimeve të tilla.
Po e mbante të lidhur me pranga derisa po dilte nga Gjykata Themelore në Prishtinë.
Zyrtari policor, Idriz Gashi ishte ndër hetuesit e angazhuar në rastin e hetimeve për rezervat shtetërore dhe në rastin e kryeshefit të KEK-ut, Nagip Krasniqi.
Gashit që punon si rreshter në Njësinë e Veçantë të Hetimeve në Polici, i doli një fotografi nga një tubim elektoral të Partisë Demokratike të Kosovës në Skenderaj.
Si pasojë e këtyre veprimeve, ai u suspendua nga Inspektorati Policor i Kosovës.
“Duke ju referuar kërkesës suaj IPK ju njofton se sipas detyrës zyrtare pas publikimit të lajmeve në medie ka filluar grumbullimin dhe analizimin e informacioneve për këtë rast. Zyrtari policor është suspenduar nga Policia dhe IPK është njoftuar për këtë suspendim përderisa veprimet tjera do të ndërmerren konform autorizimeve ligjore”.
E ish-kryeshefi i IPK-së, Valdet Hoxha vlerëson se në asnjë rrethanë nuk do duhej që zyrtarët policorë të jenë pjesë e organizimeve të tilla.
“Prania e tyre do ta dëmtone reputacionin personal të tyre, reputacionin dhe mirëbesimin e institucionit të cilin e përfaqësojnë dhe pavarësisht rezultateve që mund t’i kenë që nuk po dyshoj që mund të jetë i drejtë i saktë dhe transparent por që do të krijojë perceptimin për nj qasje politike ndaj x-zyrtarit që po hetohet. Prandaj ëvërtetë të paktën në aspektin etik është e papranueshme”, ka deklaruar Hoxha për Tëvë1.
Por Ligji mbi Policinë tregon se në cilat raste është e ndaluar pjesëmarrja e pjesëtarëve të Policisë nëpër fushata elektorale.
“Pozitat dhe aktivitetet që formojnë konflikt të interesave përfshijnë por nuk kufizohen me: pjesëmarrja në fushata elektorale për zgjedhje në detyrë publike; pjesëmarrja aktive në cilëndo parti politike, ndjekja e udhëzimeve nga cilado parti politike në kryerjen e detyrave policore; paraqitja me uniformë policore në çfarëdo tubimi politik, përveç kur është në detyrë zyrtare policore (anëtarësimi i thjeshtë në një parti politike nuk është konflikt i interesave”, tha ai.
Këto arrestime u patën kundërshtuar nga partia në pushtet, e cila deklaronte vazhdimisht se të njëjtat po bëhen me motive politike nga partitë opozitare të cilat ishin më herët në pushtet.
