Vendimi është marrë në takimin urgjent të KPK-së, i mbajtur të enjten i cili thirrur me kërkesë të U.D. Kryeprokurorit të Shtetit, Besim Kelmendi.
“Gjatë këtij takimi, Këshilli Prokurorial ka themeluar panelin hetimor për zhvillimin e procedurës disiplinore ndaj Kryeprokurorit Buzhala. Gjithashtu, KPK ka marr vendim për suspendimin e Kryeprokurorit të Prokurorisë Themelore të Gjakovës, Ramiz Buzhala”, thuhet në komunikatën e Prokurorisë, shkruan teve1.info.
Buzhala dyshohet se kishte tentuar të bëjë favore duke shpërndarë pyetjet e testit për bashkëpunëtorë profesionalë.
Kryeprokurori Buzhala i drejtohet dikujt se “këto janë pyetjet e testit me shkrim. Shiko shfrytëzoje kohën deri në orën 13:00”, ka raportuar Kallxo.com, në adresën së cilës kryeprokurori kishte dërguar këto pyetje.
Pas suspendimit të Kryeprokurorit Buzhala, Këshilli Prokurorial ka marrë vendim për caktimin e prokurorit, Enis Gashi, ushtrues detyre të Kryeprokurorit të Prokurorisë Themelore të Gjakovës.
Po ashtu, ushtruesi i detyrës së Drejtorit të përgjithshëm të Sekretariatit të KPK-së, pas anulimit të konkursit ka filluar procedurën disiplinore ndaj anëtarëve të komisionit përzgjedhës të shërbimit civil për zhvillimin e procedurës së rekrutimit, për pozitën Bashkëpunëtorë profesional për Prokuroritë Themelore në Gjakovë, Prizren dhe Pejë. /teve1.info/
