Gjykata Supreme e ka konfirmuar vendimin e Gjykatës së Apelit për kthimin e Enver Sekiraqës në paraburgim pasi ishte dënuar me 25 vjet burgim për nxitje në vrasjen e policit Triumf Riza.
Nga kjo Gjykatë në një përgjigje për teve1.info thuhet se kanë konfirmuar se kështu Apeli ka refuzuar ankesën e mbrojtësit të Enver Sekiraqës, avokatit Besnik Berisha.
“Lidhur me pyetjet tuaja, ju njoftojmë se Kolegji Penal i Gjykatës Supreme e ka refuzuar si te pabazuar ankesën e mbrojtësit të të pandehurit E.S., paraqitur kundër aktvendimit të Gjykatës së Apelit të Kosovës”, thuhet në përgjigje.
Ndryshe, ditë me parë Tëvë1 nga burimet ka mësuar se Enver Sekiraqa është arratisur nga shtëpia dhe i njëjti aktualisht ndodhet në arrati.
Nuk dihen rrethanat se si ka ardhur deri tek arratisja e Sekiraqës, mirëpo i njëjti nuk është në vuajtje të dënimit.
Sekiraqa u shpall fajtor për nxitje të vrasjes të policit Triumf Riza.
Për herë të parë në vitin 2016 Sekiraqa ishte dënuar me 36 vite burgim kurse sërish në vitin 2019 me 20 vite burgim.
Ish-polici, Triumf Riza, është vrarë më 30.08.2007 në Prishtinë.
Poshtë gjeni aktvendimin e Gjykatë:
