Ministria e Financave bën të ditur se 20 biznese janë suspenduar nga platforma “Superpuna”, për shkak se nuk i kanë respektuar termet dhe kushtet.
Siç bëhet e ditur në njoftim, monitorimi i bizneseve është i rregullt, përcjell teve1.info
“Superpuna njofton se 20 biznese janë suspenduar nga platforma, si rezultat i mos respektimit të Termeve dhe Kushteve të platformës, të cilat janë vërejtur gjatë monitorimit në teren të përfituesëve. Monitorimi i bizneseve përfituese nga platforma superpuna është i rregullt dhe i vazhdueshëm”, thuet në njoftim.
“Andaj, udhëzojmë bizneset që t’u përmbahen detyrimeve të tyre, ashtu që në vazhdimësi të kenë mundësinë të përfitojnë nga politikat mbështetëse të Qeverisë”, thuhet tutje.
Qeveria ka lansuar platformën “Superpuna” përmes së cilës parashihet subvencionimi i pagës në shumë deri në 264 euro nga ekzekutivi, për gjashtë muajt e parë të punësimit të të rinjve. /Teve1.info/