Të enjten ka përfunduar xhiroja e 24-të e Superligës së Kosovës në futboll, ndërsa të premten nis xhiroja e 25-të.
Ndeshja hapëse e kësaj xhiroje, do të jetë ajo ndërmjet Ballkanit dhe Ferizajt që luhet në Suharekë dhe nis në orën 14:00.
Ballkani llogarit favorit në këtë përballje por në tri ndeshjet e fundit ka regjistruar dy humbje e një barazim.
Është i dyti në tabelë me 40 pikë, tetë më shumë se Ferizaj që renditet i pesti dhe ka shënuar fitore në dy ndeshjet e fundit.
Xhiroja do të vazhdoj të shtunën me dy ndeshje tjera, që po ashtu nisin në orën 14:00.
Në Klinë, skuadra e Dukagjinit që i ka fituar dy ndeshjet e fundit, e pret Dritën që prinë në tabelë me 53 pikë dhe po marshon drejt titullit të kampionit.
Ndërkohë, Gjilani përballet me Prishtinën, ekip që ende nuk di për fitore në stinorin pranveror, ku në gjashtë ndeshje të luajtura ka katër barazime e dy humbje.
Xhiroja do të përfundoj të dielën, me duelet Llapi – Suhareka dhe Feronikeli ’74 – Malisheva, që po ashtu nisin në orën 14:00.
