Elita e futbollit kosovar, do të vazhdojë me dy ndeshjet e fundit të xhiros së 16-të, të cilat luhet gjatë ditës së sotme.
Me këto ndeshje edhe do të përfundojë kjo xhiro që ishte tejet interesante dhe nisi të shtunën me tri përballje.
Edhe duelet e ditës së diel, do të startojnë në orën 13:00 kurse do të luhen në Prishtinë dhe Gjilan.
Megjithatë, ndeshja më interesante do të jetë ajo ndërmjet Gjilanit dhe Llapit, me të dyja skuadrat që synojnë fitoren.
Gjilani është në formë të mirë pasi nuk di për humbje në katër ndeshjet e fundit, ndërsa Llapi kërkon të kthehet tek fitorja pas disfatës që e pësoi xhiron e shkuar në shtëpi.
Ndërkohë, në stadiumin “Fadil Vokrri”, Prishtina e pret Ferizajn, skuadra këto që kanë kohë që nuk dinë për fitore në Superligën e Kosovës në futboll.
