Sezoni 2024/25 në Superligën e Kosovës në futboll nis më datën 10 gusht, ka njoftuar të shtunën Federata e Futbollit të Kosovës (FFK).
Edhe sezonin e ri, në elitën e futbollit kosovar do të garojnë 10 skuadra, ku dy prej tyre janë promovuar sezonin e fundit nga Liga e Parë: Suhareka dhe Ferizaj.
Ndërkohë, skuadrat tjera të Superligës janë Ballkani, Llapi, Drita, Malisheva, Prishtina, Gjilani, Dukagjini e Feronikeli ’74. Sa i përket çifteve, ato do të mësohen pas tërheqjes së shortit që do të bëhet së shpejti.
Megjithatë, sezoni i ri për katër skuadra do të filloj më herët për shkak të paraqitjes së tyre në garat e UEFA-s. Ballkani si kampion i Kosovës do të luaj në raundin e parë kualifikues të Ligës së Kampionëve, për të vazhuar me Llapin që do të paraqitet prej raundit të dytë kualifikues të Ligës së Evropës.
Ndërkohë, Drita e Malisheva do të marrin pjesë në Ligën e Konferenës, por skuadra nga Gjilani do të luaj prej raundit të dytë. Ballkani, Llapi e Malisheva, tashmë kanë filluar përgatitjet për sezonin e ri.
Ndërkohë, sezoni i ri në Ligën e Parë të Kosovës do të startojë më datën 17 gusht kurse tri ditë më herët do të nis Superliga U21.
