Këtë e ka bërë të ditur asamblisti i LDK-së në Prishtinë, Amir Simnica në emisionin “Ditari” në Tëvë1.
Ai tha se “Sunny Hill” do të mbahet në Gërmi në vendin ku është caktuar me datat 4, 5, 6, dhe 7.
“Sunny Hill mbahet! Ka qenë një dokument të cilin e kanë rishikuar dhe ajo bëri bujë mediatike. Mirëpo Sunny Hill mbahet ashtu siç është. Mbahet në Gërmi në vendin ku është caktuar dmth me datat 4, 5, 6, 7”, ka deklaruar ai.
Simnica ka folur edhe për anulimin e pëlqimit që ky festival të mbahet në Germi, teksa tha se ka qenë vetëm një formë e një dokumenti që është rishikuar në ekzekutiv dhe mandej u bë bujë mediatike.
“Ka qenë vetëm një formë e një dokumenti që është rishikuar në ekzekutiv, mandej ajo bëri bujë mediatike, mirëpo gjithçka vazhdon ashtu siç është përcaktuar. Nuk lejojmë befasi të tilla më që dikush të na ndalojë mbajtjen e festivalit”, tha ai. /teve1.info/