Sulmuesi i Kosovës Rilind Nivokazi u përfshi në ekipin e javës, në elitën e futbollit në Zvicër. 25-vjeçari është golashënuesi më i mirë deri më tani te skuadra e Sionit.
Nivokazi ka shënuar pesë gola dhe ka bërë një asistim në 11 ndeshjet e zhvilluara këtë edicion në Superligën e Zvicrës.
Sulmuesi kosovar shënoi gol pas një muaji, kur të martën gjeti cakun ndaj St. Gallenit. Ai shënoi dy gola në fitoren 3:2 të Sionit ndaj St. Gallenit.
Së fundi trajneri i Sionit, Didier Tholot, ka dhënë lëvdata për Nivokazin, i cili u ftua te Kosova në ndeshjet e fundit.
Te skuadra e Sionit luajnë edhe disa futbollistë kosovarë si Kreshnik Hajrizi, Benjamin Kololli dhe Donat Rrudhani.
Sioni të shtunën nga ora 18:00 e luan ndeshjen e ardhshme në elitën zvicerane ndaj Thunit.
Sionit do t’i mungojë Hajrizi i cili është i suspenduar dhe Kololli për shkak të lëndimit.
