Tre persona janë arrestuar e një tjetër i dyshuar është në kërkim policor, pasi që dyshohen për sulm ndaj personave zyrtar në dy raste të ndryshme në Prishtinë.
Në rastin e parë është arrestuar vetëm një person nga Policia e Kosovës, pasi që në bashkëveprim me një të dyshuar, që ende nuk është identifikuar kishin kanosur dhe fyer verbalisht një person zyrtar.
Në raportin 24-orësh të PK-së është bërë e ditur se me vendim të prokurorit i dyshuari është liruar në procedurë të rregullt.
Ndërsa, në rastin e dytë, i cili ka ndodhur dje pasdite, Policia ka arritur të arrestojë dy persona, pasi që kishin sulmuar tre persona tjerë zyrtarë. Si pasojë e sulmit, viktimat kanë pësuar lëndime trupore me ç’rast janë dërguar për tretman mjekësor, shkruan teve1.info.
Ndërkohë, PK gjatë kontrollit te të dyshuarit ka gjetur dhe konfiskuar një sasi substancë që dyshohet të jetë narkotike, derisa me vendim të prokurorit të dyshuarit janë dërguar në mbajtje.
“SULM NDAJ PERSONIT ZYRTAR ·
Prishtinë 28.04.2023-12:58 Është arrestuar një i dyshuar mashkull kosovar pasi i njëjti në bashkëveprim me një të dyshuar tjetër i cili është në kërkim policor, kishte kanosur dhe fyer verbalisht viktimën mashkull kosovar. Me vendim të prokurorit i dyshuari është liruar në procedurë të rregullt.
Prishtinë 28.04.2023-15:11 Janë arrestuar dy të dyshuar meshkuj kosovarë pasi të njëjtit kishin sulmuar fizikisht tre viktimat kosovarë. Si pasojë e sulmit viktimat kanë pësuar lëndime trupore për çka dhe u është ofruar tretman mjekësor. Gjatë kontrollit tek të dyshuarit u janë gjetur nën posedim dhe u është konfiskuar një sasi substancë e dyshuar narkotike. Me vendim të prokurorit të dyshuarit janë dërguar në mbajtje”, thuhet në raportin 24-orësh. /teve1.info/
