Gjashtë persona kanë sulmuar fizikisht me thikë një tjeter, ku si pasojë e lëndimeve trupore viktima gjendet në QKUK.
Ndërkaq, nga gjashtë sulmuesit, pesë janë arrestuar dhe njëri është arratisur, bëhet e ditur në raportin 24-orësh të policisë.
Policia ka bërë të ditur se me vendim të prokurorit, pas intervistimit tre nga të dyshuarit e arrestuar janë dërguar në mbajtje, kurse dy të tjerë janë liruar .
“Rr.Nuhi Gashi & 19-Qershori, Podujevë 21.03.2025 – 19:45. Raportohet se pas një mosmarrëveshje, gjashtë të dyshuar meshkuj kosovarë, kanë sulmuar fizikisht dhe me mjet të mprehtë (thikë) viktimën mashkull kosovar. Lëndime trupore ka pësuar viktima i cili gjendet nën tretman mjekësor në QKUK-Prishtinë. Ndërsa janë arrestuar pesë persona të dyshuar, kurse personi i gjashtë i dyshuar gjendet në arrati. Me vendim të prokurorit, pas intervistimit tre nga të dyshuarit e arrestuar dërgohen në mbajtje, kurse dy të tjerë lirohen në procedurë të rregullt. Rasti nën hetime”, thuhet në raport./teve1.info/
