Një person është arrestuar nën dyshimin se ka sulmuar seksualisht punonjësen e një dyqani në Mitrovicë të Veriut.
Në njoftimin e Policisë bëhet e ditur se 57 vjeçari N.A ka rezultuar pozitiv me 0.8% në testin e alkoolit.
“Më datën 24.06.2025 rreth orës 11:50, në Stacionin Policor në Mitrovicën e Veriut është raportuar një rast i sulmit seksual. Sipas raportimit, rasti ka ndodhur në një dyqan që gjendet në rrugën “Knjaz Miloš”, Mitrovicë Veri ku i dyshuari pasi kishte hyrë në dyqan dyshohet se përmes veprimeve të tij ka sulmuar seksualisht një punonjëse të dyqanit.I dyshuari, N.A. 57 vjeç është arrestuar nga njësitë policore dhe është shoqëruar në stacionin policor. Të dyshuarit i është bërë alkool testi ku ka rezultuar pozitiv me 0.8‰”, thuhet në njoftim.
Me vendim të prokurorit të shtetit, ndaj të dyshuarit është caktuar masa e ndalimit prej 48 orësh.
