Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit F.K për shkak se kishte sulmuar fizikisht babanë e tij.
Përmes një njoftimi për media, Prokuroria ka bërë të ditur se i dyshuari ka kryer veprën penale “Lëndim i lehtë trupor”, përcjell tëvë1.info.
“Prokuroria njofton se, më 14.02.2022, në komunën e Malishevës saktësisht ne shtëpinë e tyre të përbashkët, i pandehuri me dashje dhe me mjet të fortë, i shkakton lëndime trupore të dëmtuarit, babait të tij N.K. Pas një mosmarrëveshje, i pandehuri e sulmon fizikisht të dëmtuarin duke e goditur dy herë në regjionin e shpinës me një bisht sëpate, kështu duke i shkaktuar të dëmtuarit lëndime të lehta trupore, të përshkruara në raportin mjekësore të lëshuar nga QKMF Malishevë”, thuhet në njoftim.
Po ashtu, në njoftim thuhet se, prokurori i rastit ndaj të pandehurit F.K., ka kërkuar masën e paraburgimit në afat prej 30 ditësh.
Sipas njoftimit, i pandehuri, me urdhër të prokurorit gjendet në ndalim nga data 15 shkurt 2022.
